Var að fá inn um lúguna einhvern bækling frá ungum jafnaðarmönnum í kópavogi. Í honum er lítill dálkur um það að ungt sjálfstæðisfólk í kópavogi hafi farið í MK og dreift smokkum(fórum reyndar víðar og þetta var gert um allt land). Í dálknum er talað um 'vatnsgreidda stuttbuxnastráka', sem kemur reyndar lítið á óvart, en þar erum við sakaðir um að vera perrar fyrir að dreifa smokkum til stelpna í MK.

Síðan hvenær taldist það nú perraskapur að dreifa smokkum, sama hvort það er til kvenna eða karla? Sýndu Samtökin '78 perraskap þegar þau dreifðu smokkum? Sýna Alnæmissamtökin perraskap þegar þau dreifa smokkum, m.a. í grunnskólum?

Ég geri mér alveg grein fyrir því að þetta er bara pólitík en mér finnst þetta engu að síður frekar lágkúrulegt, þó svo að líklega eigi þetta að vera fyndið. En þetta er svosem alveg í takt við kosningabaráttu UJ á landsvísu.

"Whats brown and sounds like a bell? Dung!"

Monty Python voru líka frekar góðir.

"What exactly are the commercial possibilities for flying sheep?"

"Sex with you is really a Kafkaesque experience"

Woody Allen er stundum snillingur.

"Don't knock masterbation, it's sex with someone I love"

Ég hef eftir mikla íhugun ákveðið að segja mig úr öllum samskiptum við allar þær evrópsku þjóðir sem eru ekki annað hvort Ísland eða Finnland.

Nú er ég alveg hættur að skilja. Hér fyrir neðan er færsla sem að á að hafa komið inn á mánudaginn. En þegar betur er að gáð þá virðist þetta vera endurbirting á gamalli færslu og ég man ekkert eftir því að hafa sett þetta inn á mánudaginn. Magnaður andskoti.

Ekki þar fyrir að ég stend við það sem stendur í þessari færslu.

Og sá sem svarar mér undir nafninu fúli skilur mig ekki alveg. Þú getur alveg verið trúaður þótt að þú trúir ekki á postullegu trúarjátninguna, þú ert bara líklega ekki kristinn skv. skilgreiningu kirkjunnar.

Nú er ég auðvitað trúlaus auli eins og hefur áður komið fram. Ég velti því samt alltaf fyrir mér hvað það er sem kallar á þessa trú í fólki. Tökum nú bara postullegu trúarjátninguna sem er nú grundvöllurinn fyrir kristinni trú:

Ég trúi á Guð, föður almáttugan, skapara himins og jarðar.

Ég trúi á Jesú Krist, hans einkason, Drottinn vorn, sem getinn er af heilögum anda, fæddur af Maríu mey, píndur á dögum Pontíusar Pílatusar, krossfestur, dáinn og grafinn, steig niður til heljar, reis á þriðja degi aftur upp frá dauðum, steig upp til himna, situr við hægri hönd Guðs föður almáttugs og mun þaðan koma að dæma lifendur og dauða.

Ég trúi á heilagan anda, heilaga almenna kirkju, samfélag heilagra, fyrirgefningu syndanna, upprisu mannsins og eilíft líf.

Þetta er ósköp einfalt. Ef þú trúir ekki nákvæmlega því sem að stendur í trúarjátningu kristinna manna þá ertu ekki kristinnar trúar!

Kominn með myspace.

Hér er það!

Vei vei

Er búin að vera að hugsa þetta flugvallardæmi aðeins. Ég er svosem alveg tilbúin að sætta mig við flugvöll á Lönguskerjum, en ekki bara innanlandsflugvöll. Ef það verður reistur nýr flugvöllur á suðvesturhorninu þá finnst mér lang gáfulegast að þá verði það bæði innanlands- og millilandaflugvöllur og þar með verði millilandaflugið frá Keflavík.

Ólafur F. Magnússon reynir að afsaka upphlaup sitt í Kastljósinu um daginn með því að með ályktun Frjálslyndra hafi aðeins verið að fagna því að 'umræða' um flugvöll á Lönguskerjum hafi átt sér stað og að hann hafi nú fengið upplýsingar um að það henti ekki að hafa flugvöll þarna.

Ég er reyndar alveg sammála Ólafi um að það á ekkert að reisa flugvöll á Lönguskerjum. En á meðan Ólafur vill reka tvo flugvelli með undir 50 km loftlínu á milli þá vil ég bara færa innanlandsflugið til keflavíkur eftir í ljós kom að kaninn hættir að halda opnum fyrir okkur flugvelli allt árið í Keflavík.

En stærsti gallinn við afsakanir Ólafs eru þær meika engan sens. Ólafur kallaði Björn Inga ítrekað lygara fyrir að halda því fram að Frjálslyndir hefðu ályktað um þetta. Þegar þetta var svo rekið ofan í Ólaf þá tók hann þá afstöðu að segja að þetta væri allt saman misskilningur í staðin fyrir að viðurkenna bara að hann hefði GLEYMT því að það væri til ályktun um þetta og biðjast afsökunar á upphlaupinu.

Pólitískt séð skiptir nefnilega ekkert svo miklu máli að menn gleymi einni ályktun, en þegar menn úthrópa andstæðina sína sem lygara í beinni útsendingu gjörsamlega vegna eigin gleymsku þá er það ekkert voða sniðugt.